Архітэктура

Спецыяльнасць 7-07-0731-01 «Архітэктура»

ДЗЁННАЯ ФОРМА НАВУЧАННЯ

* па спецыяльнасці «Архітэктура» агульны бал разлічваецца як сума балаў, падлічаных па выніках правядзення профільнага выпрабавання па дысцыпліне «Творчасць» і сярэдняга бала сумы балаў, атрыманай па выніках здачы ўступных выпрабаванняў у форме цэнтралізаванага экзамена (тэставання) і сярэдняга бала дакумента аб адукацыі.

Архітэктар - ( ад грэч. "галоўны будаўнік") спецыяліст, які займаецца архітэктурным праектаваннем, гэта значыць – распрацоўкай планаў будынкаў, іх фасадаў, у цэлым і ў дэталях, а таксама ўнутраных прастор.

Вялікія архітэктары – людзі, падобныя Багам. Яны бяруць паперу і адным узмахам алоўка арганізоўваюць прастору, мяняюць абліччы гарадоў і цэлых краін, вольна разбіваюць паркі і паказваюць, дзе пракладваць масты.

Архітэктар закліканы стварыць камфортнае для чалавека асяроддзе пасялення. За ўсю гісторыю чалавецтва ва ўсіх народаў архітэктура мела свой унікальны стыль. Прафесія архітэктара ва ўсе часы была запатрабаванай і шанаванай, а яе прадстаўнікі ставіліся да сваіх абавязкаў з вялікай адказнасцю.

Асноўная задача архітэктара – выпрацоўка новых архітэктурных ідэй, заснаваных на трох адвечных прынцыпах «Карысць-Трываласць-Прыгажосць».

Пасля заканчэння навучання малады спецыяліст можа самастойна працаваць з заказчыкамі, шукаць кліентаў ці ж ўладкавацца ў архітэктурную фірму.

• Спецыялізаваныя падраздзяленні ў навукова - даследчых, праектных інстытутах, будаўнічых арганізацыях;
• Архітэктурныя майстэрні;
• Рэстаўрацыйныя майстэрні;
• Мэблевыя майстэрні і салоны;
• Адукацыйныя ўстановы.

Архітэктар-гэта асоба. Творчая, шматгранная, у пастаянным пошуку. Важна знайсці сябе, сваё месца ў акіяне творчых плыняў і натхнёных вобразаў прыгожага, што акультурваюць і ўдасканальваюць наш навакольны свет.

Архітэктарамі не нараджаюцца - імі робяцца!

Выпускаючая кафедра «Архітэктура і будаўніцтва».