12 лістапада 2020 года ў выставачнай зале БелДУТ з 8 ⁴⁵ да 12 ³⁰ пройдзе Дзень донара для студэнтаў БелДУТ.

Запіс зачынены.

Набрана максімальная колькасць чалавек.

Дзякуй!

Што трэба, каб стаць донарам?

Да выканання донарскай функцыі дапускаюцца грамадзяне Рэспублікі Беларусь, а таксама замежныя грамадзяне і асобы без грамадзянства, якія стала пражываюць у Рэспубліцы Беларусь, ва ўзросце ад 18 да 60 гадоў, якія валодаюць поўнай дзеяздольнасцю, прайшлі медыцынскі агляд, не пакутуюць ад захворванняў і станаў, пры якіх здача крыві і яе кампанентаў супрацьпаказаная.

Як падрыхтавацца да здачы крыві?

Кровадача ажыццяўляецца пасля лёгкага сняданку (не нашча!), пажадана ў папярэдні вечар не есці тлустага, смажанага і малочнага, рэкамендуецца салодкі чай, сухары, печыва, садавіна.

Неабходна ўстрымацца ад ужывання алкаголю за 48 гадзінаў да здачы крыві, а таксама ад ужывання аспірыну, анальгіну і лекаў, якія змяшчаюць аспірын і анальгетыкі за 72 гадзіны да працэдуры, па магчымасці ўстрымацца ад курэння за гадзіну да працэдуры, неабходна таксама выспацца.

Здача крыві на рэгулярнай аснове карысная для прафілактыкі захворванняў сардэчна-сасудзістай сістэмы, акрамя гэтага, донарства спрыяе самаабнаўлення ўсяго арганізма. Мужчыны, якія з’яўляюцца сталымі донарамі, на 30% менш пакутуюць на сардэчныя прыступы.

У дзень здачы крыві студэнтам прадастаўляецца вызваленне ад заняткаў, работнік вызваляецца ад выканання службовых абавязкаў.

Што мець з сабою для данацыі?

З сабой дастаткова мець пашпарт.

Што я атрымаю наўзамен?

Бязвыплатны донар атрымлівае кампенсацыю ў памеры 24 рублёў, салодкі паёк для аднаўлення сілаў, сувенір з сімволікай бязвыплатнага донарства і бясконцую падзяку ад людзей, якія маюць патрэбу ў донарскай крыві.

Адказы на пытанні па донарству можна знайсці тут http://donor-gomel.by/donoram.

Каб выратаваць чалавечае жыццё – не абавязкова быць супергероем.

Дастаткова стаць донарам крыві.