Многія нашы выпускнікі дасягнулі значных прафесійных поспехаў як на транспартных прадпрыемствах, так і прадпрыемствах іншых галін эканомікі.

Пасаду галоўнага бухгалтара займаюць наступныя выпускнікі: Паўловіч Е., Даніленка А., Шэўчык Е., Канавалава Т., Кіслова С., Крыжавая О., Трыфанава Е., Ігнатовіч А., Краўчанка О., Лазарэнка Е., Барадуліна Л., Сiвянок В., Iсадчанка С., Краўчук І. і многія іншыя.

Выпускнікі кафедры займаюць пасады дырэктара, начальніка аддзела, вядучага спецыяліста, а пераважная колькасць - намесніка галоўнага бухгалтара.

Усімі калегамі адзначана перспектыўнасць атрыманай ва ўніверсітэце адукацыі, яе запатрабаванасць, значнасць набытых ведаў і ўменняў па спецыяльнасці.

Многія нашы выпускнікі дасягнулі значных прафесійных поспехаў як на транспартных прадпрыемствах, так і прадпрыемствах іншых галін эканомікі.

Пасаду галоўнага бухгалтара займаюць наступныя выпускнікі: Паўловіч Е., Даніленка А., Шэўчык Е., Канавалава Т., Кіслова С., Крыжавая О., Трыфанава Е., Ігнатовіч А., Краўчанка О., Лазарэнка Е., Барадуліна Л., Сiвянок В., Iсадчанка С., Краўчук І. і многія іншыя.

Выпускнікі кафедры займаюць пасады дырэктара, начальніка аддзела, вядучага спецыяліста, а пераважная колькасць - намесніка галоўнага бухгалтара.

Усімі калегамі адзначана перспектыўнасць атрыманай ва ўніверсітэце адукацыі, яе запатрабаванасць, значнасць набытых ведаў і ўменняў па спецыяльнасці.

З моманту заснавання кафедры "Уліковыя сістэмы і тэхналогіі бізнес-менеджменту» яе супрацоўнікі прымаюць актыўны ўдзел у навукова-даследчай дзейнасці Беларускага дзяржаўнага універсітэта транспарту. Першыя работы былі выкананы ў 1997 годзе для Беларускай чыгункі.

У 2002 годзе з ліку супрацоўнікаў кафедры створана навукова-даследчая лабараторыя “Эканамічны аналіз, метадалогія бухгалтарскага і падатковага ўліку” пры навукова-даследчым сектары БелДУТ.

На базе кафедры вядзе працу навуковая школа "Эканоміка і кіраванне ў сістэме чыгуначнага транспарту".

Традыцыйнымі напрамкамі даследаванняў кафедры з'яўляюцца:

• удасканаленне механізму фарміравання і размеркавання расходаў па грузавых і пасажырскіх перавозках;
• развіццё методыкі вызначэння сабекошту з выкарыстаннем спецыяльных разліковых метадаў, якія выкарыстоўваюцца ў тэхналагічных умовах перавозак, адрозных ад сярэднедарожных;
• распрацоўка метадалогіі правядзення эканамічнага аналізу эфектыўнасці работы суб'ектаў гаспадарання;
• распрацоўка методыкі разліку прадукцыйнасці працы ў галіновых гаспадарках;
• выпрацоўка метадычных падыходаў да вызначэння эканамічнай эфектыўнасці аўтсорсінгу ў сферы чыгуначнага транспарту;
• распрацоўка методыкі вызначэння велічыні рэзерваў па падазроных даўгах па групах дэбіторскай запазычанасці на аснове яе размеркавання па тэрмінах непагашэння;
• вызначэнне кошту работ (паслуг) пасажырскай гаспадаркі, якія перадаюцца на аўтсорсінг (экіпіроўка прадметамі мяккага інвентару пасажырскіх вагонаў).

Па колькасці выкананых работ і аб'ёму фінансавання кафедра займае лідзіруючае месца на гуманітарна-эканамічным факультэце. Да гэтага часу выкананы больш за 70 навукова-даследчых работ па актуальнай тэматыцы, якая вызначаецца сумесна з рознымі службамі Упраўлення Беларускай чыгункі.

Вынікі навукова-даследчай работы супрацоўнікаў кафедры знайшлі адлюстраванне ў манаграфіях: "Развіццё сістэмы бухгалтарскага ўліку і аналізу на чыгуначным транспарце", "Упраўленне выдаткамі на чыгуначным транспарце", а таксама ў выдаваемым з 2001 года міжнародным зборніку навуковых прац “Рынак транспартных паслуг (праблемы павышэння эфектыўнасці)". Актуальнасць пазначаных праблем і навізна ў іх вырашэнні знайшлі станоўчыя водгукі практыкаў транспартных арганізацый і навуковай супольнасці, што абумовіла ўключэнне з 2012 года зборніка навуковых прац "Рынак транспартных паслуг (праблемы павышэння эфектыўнасці)" у пералік рэкамендаваных ВАК Рэспублікі Беларусь выданняў для апублікавання вынікаў дысертацыйных даследаванняў.

Варта адзначыць, што сучасная эканамічная навука выпрацавала і абгрунтавала ўласную метадалогію і канцэпцыю развіцця, якія грунтуюцца на сукупнасці спецыфічных методык і прынцыпаў, падыходах да ацэнкі і адлюстраванню эканамічных паказчыкаў, пошуку рэзерваў павышэння эфектыўнасці, што абумовіла актуалізацыю прынцыпова новых перспектыўных напрамкаў навуковых даследаванняў кафедры, якія выклікаюць асаблівую цікавасць і запатрабаваныя практыкамі:

• развіццё тэорыі і методыкі бухгалтарскага ўліку і справаздачнасці транспартных арганізацый на аснове канвергенцыі з Міжнароднымі стандартамі фінансавай справаздачнасці;
• абгрунтаванне мэтазгоднасці і ацэнка эканамічнай эфектыўнасці перадачы на аўтсорсінг асобных відаў работ (паслуг) чыгуначнага транспарту;
• распрацоўка метадалагічнай базы калькулявання сабекошту паслуг інфраструктуры чыгуначнага транспарту ў адпаведнасці з новымі ўмовамі гаспадарання ў рамках Адзінай эканамічнай прасторы (АЭП);
• фарміраванне методыкі вызначэння эфектыўнасці курсіравання існуючых і прызначэння новых пасажырскіх цягнікоў.

Выкладчыкі кафедры вядуць вялікую вучэбна-метадычную работу. Распрацаваны і выкарыстоўваюцца ў адукацыйнай дзейнасці больш за 30 вучэбна-метадычных комплексаў дысцыплін, якія цалкам забяспечаны дапаможнікамі, лекцыйным матэрыялам у электронным выглядзе, заданнямі на практычныя заняткі і самастойную працу студэнтаў, прэзентацыямі курсаў.

З 2003 па 2015 год супрацоўнікамі кафедры падрыхтавана і выдадзена больш за 100 вучэбна-метадычных дапаможнікаў і навуковых артыкулаў, 4 манаграфіі і 6 падручнікаў пад грыфам Міністэрства адукацыі Рэспублікі Беларусь, у якіх закрануты і вырашаны актуальныя праблемы развіцця бухгалтарскага ўліку, аналізу і кантролю на чыгуначным транспарце ва ўмовах транзітыўнай эканомікі.

Для больш якаснага выкладання работнікамі кафедры распрацоўваюцца і паспяхова ўкараняюцца найноўшыя адукацыйныя тэхналогіі: лекцыйны і практычны матэрыял даводзіцца з прымяненнем мультымедыйных сістэм, праводзяцца дзелавыя гульні з выкарыстаннем практычнай дакументацыі прадпрыемстваў, што дазваляе зацікавіць студэнта і прыцягнуць да вучэбна-даследчай дзейнасці па найбольш актуальных пытаннях развіцця ўліку, аналізу і кантролю на прадпрыемствах транспартнай галіны эканомікі (на кафедры дзейнічае 4 тэматычных навукова-даследчых гуртка).

Для развіцця студэнтаў і іх адаптацыі да ўмоў сучаснай эканомікі, арганізацыі ўліку, аналізу і кантролю на прадпрыемствах Рэспублікі Беларусь персанал кафедры арганізуе працу навукова-даследчых гурткоў па секцыях:

• стан і тэндэнцыі развіцця сістэмы бухгалтарскага ўліку і кантролю;
• развіццё сістэм кіраўніцкага ўліку і фінансаў прадпрыемстваў транспарту;
• сучасныя методыкі аналізу гаспадарчай дзейнасці прадпрыемстваў транспарту;
• сучасныя методыкі бухгалтарскага ўліку прадпрыемстваў транспарту.