Курсы павышэння кваліфікацыі па пытаннях мытнага забеспячэння транспартнай дзейнасці
- Апублікавана 04.05.2021 08:30
З 26 па 30 красавіка 2021 г. у Інстытуце павышэння кваліфікацыі і перападрыхтоўкі кіраўнікоў і спецыялістаў транспартнага комплексу Рэспублікі Беларусь установы адукацыі «Беларускі дзяржаўны ўніверсітэт транспарту» прайшлі курсы павышэння кваліфікацыі па тэматыцы «Мытнае забеспячэнне транспартнай дзейнасці».
На занятках былі разгледжаны пытанні рэгулявання знешнегандлёвай дзейнасці ў Рэспубліцы Беларусь ва ўмовах удзелу ў ЕАЭС, у тым ліку, значэнне экспарту транспартных паслуг ва ўстойлівым развіцці краіны, здзяйснення мытных аперацый і мытнага кантролю ў дачыненні да перавозімых грузаў, дэкларавання тавараў і транспартных сродкаў, прававое рэгуляванне міжнародных грузавых перавозак, парадак перамяшчэння тавараў і транспартных сродкаў фізічнымі асобамі для асабістага карыстання праз мытную мяжу ЕАЭС ў Рэспубліцы Беларусь.
Па заканчэнні навучання ўсе слухачы паспяхова здалі залік і атрымалі пасведчанне ўсталяванага ўзору.
Паколькі ўсе слухачы курсаў сталіся іншагароднімі, гасцямі нашага горада, для іх дацэнтам кафедры «Мытная справа» А.П. Пятровым-Рудакоўскім была арганізаваная культурная праграма: праведзена пешаходная прагулка па горадзе, распаведзена ягоная гісторыя, апісаны асноўныя славутасці і арганізавана наведванне спектакля «Цыяністы калій ... з малаком або без?», пастаўленага Гомельскім абласным драматычным тэатрам.
