Дзень адчыненых дзвярэй электратэхнічнага факультэта
- Апублікавана 03.02.2020 09:39
У першы дзень лютага прайшоў Дзень адчыненых дзвярэй электратэхнічнага факультэта.
У гэты дзень у наш універсітэт прыйшлі вучні выпускных класаў устаноў адукацыі гарадоў Гомеля, Віцебска, Жлобіна, Мазыра і Калінкавічаў.
З прывітальным словам да ўдзельнікаў сустрэчы звярнуўся дэкан электратэхнічнага факультэта Сатыроў Фёдар Яфімавіч.
Ён распавёў пра традыцыі факультэта, пра асаблівасці адукацыйнага працэсу па трох спецыялізацыях, аб асноўных арганізацыях-заказчыках кадраў, якія з'яўляюцца першымі працадаўцамі выпускнікоў электратэхнічнага факультэта.
Як правільна рыхтавацца да ўступных іспытаў, дзе на сайце універсітэта размешчана інфармацыя, якая тычыцца уступнай кампаніі 2020 года, як зарэгістравацца на рэпетыцыйнае і цэнтралізаванае тэставанне? На гэтыя і многія іншыя пытанні адказаў вядучы спецыяліст па прафарыентацыйнай рабоце Яфрэмаў Яраслаў Вадзімавіч.
Затым будучыя абітурыенты змаглі азнаёміцца з лабараторна-матэрыяльнай базай факультэта, з асаблівасцямі прафесійнай дзейнасці інжынераў-электрыкаў чыгуначнага транспарту.
Спецыялізацыю «Мікрапрацэсарныя інфармацыйна-кіруючыя сістэмы» прадставілі загадчык выпускаючай кафедры «Інфармацыйна-кіруючыя сістэмы і тэхналогіі» Харлап Сяргей Мікалаевіч, старшы выкладчык Мінін Уладзімір Яўгенавіч.
Аб спецыялістах сістэм перадачы і размеркавання інфармацыі распавялі загадчык кафедры Шаўчук Уладзімір Рыгоравіч і выкладчыкі кафедры «Аўтаматыка, тэлемеханіка і сувязь».
Па заканчэнні прафарыентацыйнага мерапрыемства слухачы, іх бацькі, педагогі падзякавалі арганізатарам за мерапрыемства.
Вядучы спецыяліст
па прафарыентацыйнай рабоце
Яфрэмаў Я.В.
Фота Белавус А.А. і Шыдлоўскай А.І.
Нашли ошибку? Выделите ее и нажмите Ctrl-Enter