Навагодні прыём ад імя Прэзідэнта Рэспублікі Беларусь Аляксандра Рыгоравіча Лукашэнкі 2020
- Апублікавана 13.01.2020 14:53
11 студзеня 2020 года адбыўся Навагодні прыём ад імя Прэзідэнта Рэспублікі Беларусь Аляксандра Рыгоравіча Лукашэнкі.
У пачатку прыёму кіраўнік дзяржавы звярнуўся да прысутных з вітальнай прамовай. У сваім выступе ён вызначыў прыярытэты развіцця дзяржавы ў 2020 годзе, а адным з асноўных пасылаў стала фраза «Галоўнае – не змяншаць хуткасць і не адхіляцца ад абранага намі шляху...».
Далей, у рамках прыёму, былі ўручаны дзяржаўныя ўзнагароды вядомым дзеячам культуры, журналістам, кіраўнікам высокага ўзроўню.
На прыём былі запрошаны дзеячы культуры і мастацтва, дзяржаўныя служачыя, лекары, прадстаўнікі сілавога блоку і грамадскіх арганізацый, журналісты, спартсмены, настаўнікі і навукоўцы.
Сярод 11 запрошаных, уключаных у групу Міністэрства адукацыі Рэспублікі Беларусь, быў і прадстаўнік нашага універсітэта, загадчык кафедры «Бухгалтарскі ўлік, аналіз і аўдыт», к.э.н., дацэнт Шатроў Сяргей Леанідавіч.
Нягледзячы на асаблівую ўрачыстасць і высокі статус, вечар прайшоў у сяброўскай нязмушанай абстаноўцы. Тэматыкай прыёму 2020 года стала «ІТАЛІЯ». Вядучыя, афармленне залы і нават выступы артыстаў – усё пераносіла запрошаных у багаты свет італьянскай культуры і мастацтва.
Запрошаныя адзначылі, што ўдзел у такім урачыстым і маштабным мерапрыемстве стаў найзыркай падзеяй, якая пакіне незгладжальнае ўражанне на доўгія гады.
