Дзень адчыненых дзвярэй будаўнічага факультэта
- Апублікавана 26.10.2019 14:52
26 кастрычніка 2019 года шырока расчыніў свае дзверы адзін з найстарэйшых факультэтаў Беларускага дзяржаўнага ўніверсітэта транспарту – будаўнічы факультэт.
Павітаў прысутных дэкан будаўнічага факультэта Бачкароў Дзмітрый Ігаравіч. Ён распавёў хлопцам і дзяўчатам пра асноўныя гістарычныя этапы і сучасныя напрамкі развіцця свайго факультэта.
Асаблівую ўвагу Дзмітрый Ігаравіч надаў перспектывам развіцця будаўнічай галіны Рэспублікі Беларусь, якую штогод папаўняе кваліфікаванымі кадрамі будаўнічы факультэт БелДУТа.
Вядучы спецыяліст па прафарыентацыйнай рабоце Яфрэмаў Яраслаў Вадзімавіч пазнаёміў будучых абітурыентаў з асаблівасцямі правядзення рэпетыцыйнага і цэнтралізаванага тэставання, уступнай кампаніі 2020 года.
Затым выкладчыкі выпускаючых кафедраў пазнаёмілі ўдзельнікаў мерапрыемства са спецыяльнасцямі факультэта.
Старшы выкладчык кафедры «Праектаванне, будаўніцтва і эксплуатацыя транспартных аб’ектаў» Сырова Наталля Сяргееўна разам са сваімі студэнтамі прадставілі спецыяльнасці «Будаўніцтва чыгунак, шлях і шляхавая гаспадарка» і «Аўтамабільныя дарогі» і правялі для абітурыентаў майстар-клас на геадэзічных прыборах.
Прафесары кафедры «Экалогія і энергаэфектыўнасць у тэхнасферы» Аўчыннікаў Вячаслаў Міхайлавіч і Няўзорава Ала Браніславаўна, дацэнты Калдаева Святлана Мікалаеўна і Новікава Вольга Канстанцінаўна распавялі аб прафесійных задачах выпускнікоў спецыяльнасці «Водазабеспячэнне, водаадвядзенне і ахова водных рэсурсаў».
Пасля заканчэння хлопцы і дзяўчаты падзякавалі арганізатарам за праведзенае мерапрыемств.
Фота Е. Шыдлоўскай
Нашли ошибку? Выделите ее и нажмите Ctrl-Enter