Урачыстае закрыццё трэцяга працоўнага сяместра

Апублікавана 24.10.2019 13:55

• Дасягненні
• ПА ГА «БРСМ»

Урачыстае закрыццё трэцяга працоўнага сяместра адбылося 18 кастрычніка 2019 года ў Гомельскім дзяржаўным педагагічным каледжы ім. Л. С. Выгоцкага.

У канцэртнай зале ўзнагароджаны лепшыя студэнцкія атрады Гомельшчыны, лепшыя байцы, а таксама арганізацыі, якія прымаюць студэнцкія атрады.

Руху студэнцкіх атрадаў Беларусі ўжо больш за 50 гадоў. За гэтыя гады нашы шэрагі аб'ядналі каля 700 тысяч байцоў.

Студэнцкі атрад – гэта:

• дадатковая спецыяльнасць або першыя навыкі прафесійнай дзейнасці;
• атмасфера нефармальных зносін;
• здабыццё ўпэўненасці ва ўласных сілах;
• магчымасць зарабіць;
• практычная школа лідэрства і працы ў камандзе.

Праца ў складзе студэнцкага атрада дысцыплінуе і адаптуе да жыцця!

Перад пачаткам мерапрыемства ў фае канцэртнай залы разгарнуліся інтэрактыўныя пляцоўкі на тэматыку студатрадаўскага руху.

Фота Гомельскія ведамасці

Фота Гомельскія ведамасці

Свае віншаванні і добры настрой удзельнікам мерапрыемства і гледачам падаавалі творчыя каляктывы горада Гомеля.

Мы занялі 2-е месца ў намінацыі «Лепшы штаб працоўных спраў» сярод вышэйшых навучальных устаноў.

Акрамя гэтага скарбонка нашых дасягненняў папоўнілася наступнымі ўзнагародамі:

Дыплом I ступені ў намінацыі «Лепшы будаўнічы атрад» (студэнцкі атрад «Магістраль» імя братоў Лізюковых).

Дыплом I ступені ў намінацыі «Лепшы камісар у будаўнічым атрадзе» (Касмыкоў Уладзіслаў Уладзіміравіч, студэнцкі атрад «Магістраль» імя братоў Лізюковых).

Фота Гомельскія ведамасці

Віншуем нашых пераможцаў!

У наступным працоўным сяместры будзем імкнуцца ўзяць яшчэ больш узнагарод!