Кафедра «Кіраванне эксплуатацыйнай работай і ахова працы» на Беларускім транспартным тыдні
- Апублікавана 02.10.2019 16:41
- Праглядаў: 1074
Беларускі дзяржаўны ўніверсітэт транспарту ўзяў удзел у канферэнцыі «Бяспека пасажырскіх перавозак», якая прайшла 2 кастрычніка 2019 года ў рамках Беларускага транспартнага тыдня.
Канферэнцыя прысвечана асноўным складнікам бяспекі пасажырскіх перавозак: аб’ектыўныя і суб’ектыўныя фактары аварый і спосабы іх мінімізацыі, інтэлектуальныя транспартныя сістэмы, якія спрыяюць зніжэнню аварыйнасці на дарогах, страхаванне пасажыраў і перавозчыкаў, дарожныя карты новых аўтамабільных турыстычных маршрутаў.
У рамках канферэнцыі з дакладам «Павышэнне бяспекі і даступнасці чыгуначнага транспарту для пасажыраў. Патрабаванні да праектавання інфраструктуры» выступіў загадчык кафедры «Кіраванне эксплуатацыйнай работай і ахова працы» Фёдараў Е. А. У сваім дакладзе Яўген Аляксандравіч закрануў актуальныя пытанні ўдасканалення нарматыўнай базы ў частцы патрабаванняў да бяспекі і даступнасці інфраструктуры чыгуначнага транспарту, абумоўленыя неабходнасцю ўкаранення тэндэнцый, якія сфармаваліся ў Рэспубліцы Беларусь і ў свеце, а таксама ўжыванай на Беларускай чыгунцы практыцы рэалізацыі дзейсных рашэнняў у гэтай галіне.
Асаблівая ўвага ў дакладзе нададзена ТКП «Пасажырскія ўладкаванні станцый, вакзалаў і прыпыначных пунктаў на чыгуначным транспарце. Правілы і нормы тэхналагічнага праектавання, будаўніцтва, рэканструкцыі і ўтрымання», распрацаванаму сумесна з Беларускай чыгункай. Асноўным напрамкам распрацоўкі ТКП з’яўляецца забеспячэнне бяспекі і даступнасці транспартных паслуг падчас знаходжання на станцыях, вакзалах і прыпыначных пунктах пасажыраў і маламабільных груп насельніцтва, якое ўключае рэгламентаванне патрабаванняў да безбар’ернага асяроддзя аб’ектаў інфраструктуры. Распрацоўка дадзенага ТКП з'яўляецца заканамерным вынікам праводзімай Беларускай чыгункай палітыкі ў сферы бяспекі і даступнасці чыгуначнага транспарту і стварае неабходныя ўмовы для прымянення інавацыйнага досведу развіцця інфраструктуры пры арганізацыі перавозак пасажыраў.
