З Днём нараджэння, Гомель!
- Апублікавана 14.09.2019 18:00
Гораду Гомелю споўнілася 877 гадоў. Гамяльчане і госці, якія прыехалі з розных гарадоў, у тым ліку з дванаццаці гарадоў-пабрацімаў, павіншавалі горад, адзначаючы яго поспехі і жадаючы росквіту і росту ў далейшым.
Як сказаў у сваім віншаванні гамяльчанам старшыня Гомельскага аблвыканкама Салавей Генадзь Міхайлавіч:
- Мы ганарымся шматвекавой гісторыей свайго роднага горада. І нам ёсць, чым ганарыцца. І ёсць, куды рухацца.
І гамяльчанам сапраўды ёсць, чым ганарыцца, і ёсць, куды рухацца далей.
З гэтымі словамі Генадзь Міхайлавіч уручыў старшыні Гомельскага гарвыканкама Пятру Аляксеевічу Кірычэнку грашовы сертыфікат на заканчэнне будаўніцтва паліклінікі ў 17-м мікрараёне і ўмацаванне матэрыяльна-тэхнічнай базы ўстаноў аховы здароўя Гомеля.
Музычна-тэатралізаваным канцэртам на набярэжнай ракі Сож пачаўся гэты яркі святочны дзень. І, вядома, студэнты БелДУТа ўзялі самы актыўны ўдзел у незвычайна прыгожых сцэнічных пастаноўках (160 студэнтаў нашага ўніверсітэта пад кіраўніцтвам кіраўніка ансамблю народнага танца «Палескія світанні» Ганны Забела).
Нашы студэнты-валанцёры, як і кожны раз, калі патрэбна дапамога роднаму гораду, - у ліку самых актыўных памочнікаў у арганізацыі святочных мерапрыемстваў.
Са святам, любімы горад!
Нашли ошибку? Выделите ее и нажмите Ctrl-Enter