Спецыяльнасць 7-07-0732-01 «Будаўніцтва будынкаў і збудаванняў»

Апублікавана 23.08.2019 19:19

прафiлізацыя «Аўтамабільныя дарогі»

ДЗЁННАЯ ФОРМА НАВУЧАННЯ

Аўтамабільная дарога – комплекс інжынерных збудаванняў, прызначаны для руху транспартных сродкаў з усталяванымі хуткасцямі, нагрузкамі і габарытамі.

Аўтамабільныя дарогі забяспечваюць транспартныя сувязі паміж усімі населенымі пунктамі Рэспублікі Беларусь. Па стане на 1 студзеня 2017 года працягласць сеткі аўтамабільных дарог агульнага карыстання складае 86 895 кіламетраў. Пры гэтым штогод працягласць сеткі аўтамабільных дарог павялічваецца. Асноўная задача шматлікіх спецыялістаў дарожнай галіны (ад дарожных майстроў да кіраўнікоў прадпрыемстваў) – забеспячэнне патрабаванага ўзроўню транспартна-эксплуатацыйнага стану аўтамабільных дарог. Абавязковай умовай выканання названай задачы з’яўляецца наяўнасць ва ўсіх спецыялістаў дарожнай галіны адпаведнага ўзроўню адукацыі.

Асноўнымі сферамі прафесійнай дзейнасці інжынера-будаўніка з’яўляюцца:

• будаўніцтва аўтамабільных дарог;
• навуковыя даследаванні і распрацоўкі ў галіне тэхнічных навук.

Асноўнымі аб’ектамі прафесійнай дзейнасці інжынера-будаўніка з'яўляюцца:

• вытворчасць дарожна-будаўнічых матэрыялаў, вырабаў і канструкцый;
• распрацоўка праектнай, праектна-пошукавай і праектна-каштарыснай дакументацыі;
• узвядзенне і рэканструкцыя аўтамабільных і гарадскіх дарог і вуліц, будынкаў, транспартных збудаванняў, інжынерных камунікацый;
• утрыманне і рамонт аўтамабільных дарог і іншых аб’ектаў дарожнага комплексу.

Выпускаючая кафедра «Праектаванне, будаўніцтва і эксплуатацыя транспартных аб’ектаў».