Фінансавае здароўе сям'і – залог паспяховай будучыні
- Апублікавана 23.05.2025 09:10
21 мая 2025 года ў рамках акцыі «Разам-за моцную і здаровую сям'ю», прымеркаваную да Дня сям'і, на факультэце кіравання працэсамі перавозак адбылася цікавая і пазнавальная віктарына на тэму «Фінансавае здароўе сям'і».
Мерапрыемства было накіравана на павышэнне фінансавай пісьменнасці студэнтаў і развіццё практычных навыкаў эфектыўнага размеркавання сямейных рэсурсаў.
Перад пачаткам віктарыны студэнты прынялі ўдзел у займальнай лекцыі-трэнінгу, дзе атрымалі карысныя парады і рэкамендацыі па кіраванні сямейным бюджэтам. Лекцыя дапамагла разабрацца ў ключавых аспектах фінансавай стабільнасці, пазнаёміла ўдзельнікаў з асноўнымі інструментамі планавання і кантролю грашовых патокаў. Былі разгледжаны асноўныя аспекты фінансавага здароўя сям'і: ацэнка бягучага становішча (разуменне ўзроўню даходаў і структуры выдаткаў); пастаноўка фінансавых мэтаў (дакладнае ўсведамленне прыярытэтаў і напрамкаў назапашвання сродкаў); фарміраванне бюджэту( правільнае размеркаванне паступленняў паміж неабходнымі выдаткамі і зберажэннямі); аналіз адхіленняў (своечасовая карэкцыя бюджэту пры ўзнікненні непрадбачаных абставінаў); аптымізацыя выдаткаў( выяўленне магчымасцяў зніжэння выдаткаў без шкоды якасці жыцця).
Праведзеная віктарына стала выдатнай магчымасцю прымяніць на практыцы атрыманыя на лекцыі-трэнінгі тэарэтычныя веды. Удзельнікі праверылі сваю здольнасць хутка аналізаваць розныя фінансавыя сітуацыі і знаходзіць аптымальныя шляхі вырашэння праблем, якія ўзнікаюць.
Мерапрыемства прайшло ў цёплай сяброўскай атмасферы, прадэманстраваўшы высокую цікавасць навучэнцаў да пытанняў павышэння сваёй фінансавай граматнасці. Удзел у віктарыне дазволіў кожнаму ўдзельніку глыбей асэнсаваць важнасць правільнага падыходу да фарміравання сямейнага бюджэту і дасягнення асабістых і сямейных мэтаў, што з'яўляецца карысным укладам у фарміраванне культуры ўсвядомленага стаўлення да грашовых сродкаў сярод моладзі, спрыяючы ўмацаванню эканамічнай устойлівасці будучых пакаленняў нашай краіны.
Нам. дэкана па ІВР факультэта КПП
Т.А. Бараноўская