Віншаванне рэктара з Днём Вялікай Перамогі!

Апублікавана 08.05.2025 18:17

Паважаныя ветэраны Вялікай Айчыннай вайны і працы, выкладчыкі, супрацоўнікі, студэнты і курсанты Беларускага дзяржаўнага ўніверсітэта транспарта, супрацоўнікі і навучэнцы Гомельскага, Аршанскага і Брэсцкага каледжаў – філіялаў універсітэта!

Ад усяго сэрца віншую вас з 80-годдзем Перамогі савецкага народа ў Вялікай Айчыннай вайне!

Дзень Перамогі – свяшчэнны сімвал нацыянальнага адзінства, мужнасці, самаадданасці і адвагі нашых гераічных продкаў!

Мы жывем на шматпакутнай і святой беларускай зямлі, кожная пядзя якой пакрыта свяшчэннымі месцамі – месцамі спачыну герояў: афіцэраў, салдатаў, працаўнікоў тылу, мірных жыхароў гарадоў і вёсак. Гітлераўская машына фашызму прайшла па ёй, разбураючы ўсё на сваім шляху і пакідаючы скруху, гора і папялішчы. Але наша зямля стойка прыняла гэты страшны ўдар, выдужала і перамагла, адрадзілася і стала выдатней. І гэтая веліч была дасягнута рукамі, сэрцамі і жыццямі нашага Народа-пераможцы. Яны спынілі распаўсюджванне фашызму па ўсім свеце і перадалі нам веру ў сваю зямлю, у свой народ, а таксама здольнасць пераадольваць любыя цяжкасці.

Мы, калектыў Беларускага дзяржаўнага ўніверсітэта транспарта, памятаем і ведаем кожнага супрацоўніка і выкладчыка БІІЧТ-БелДУТ – ветэрана Вялікай Айчыннай вайны і працы, – кожнага, хто змагаўся на фронце, у тыле, у партызанскіх атрадах і падполлі, а ў пасляваенныя гады паднімаў разбураную краіну.

Кожнаму з тых, каго ўжо няма з намі, і тым ветэранам, да якіх і зараз мы маем магчымасць прыйсці і ўшанаваць іх асабіста, мы кланяемся да зямлі. Мы ніколі не забудзем іхні святы подзвіг і захаваем гістарычную памяць аб падзеях той страшнай вайны для будучых пакаленняў беларусаў – носьбітаў гена Народа-пераможцы!

Ад усёй душы жадаю ўсім вам шчасця, здароўя, дабра і мірнага неба над галавой!

Рэктар універсітэта
Мікалай Казакоў