Памяць - галоўны вораг вайны

Апублікавана 06.05.2024 14:59

- Згуртаванне ў імя адной мэты, нават калі мы знаходзімся ў розных месцах, - той прыклад герояў, якія змагаліся за нашу свабоду, якому прытрымліваемся мы, беларусы, нашчадкі пераможцаў! - напядэдадні самых важных для беларусаў святаў першы прарэктар БелДУТ Юрый Генадзьевіч Самадум звярнуўся са словамі да ўдзельнікаў мітынгу на плошчы Перамогі каля помніка братам Лізюковым.

Мітынг у трох братоў, пра якіх ведае кожны гамяльчук, сабраў БелДУТаўцаў выказаць бясконцую падзяку і павагу ўсім героям Вялікай Айчыннай вайны.

- Прыкладна гэтымі днямі 79 гадоў таму з вуснаў нашых байцоў прагучала слова. Слова, да якога мы ішлі на працягу вайны, слова, за якое мы пралілі вельмі шмат крыві, кожны трэці беларус загінуў. І гэтае слова - Перамога!

- Вельмі важна разумець, што калі вайна забываецца, пачынаецца новая. Памяць - галоўны вораг вайны.

Словы, якія гучаць зараз на плошчы Перамогі, - гэта словы моладзі, якая будзе свята шанаваць і несці праз гады памяць і паклон тым, хто не шкадаваў сваіх жыццяў за тое галоўнае слова - Перамога!

Прэс-служба