Сустрэча працоўнага калектыву БелДУТ у дні электаральнай кампаніі 2024

Апублікавана 11.01.2024 14:16

Найбуйнейшая выбарчая кампанія ў краіне набірае абароты.

11 студзеня 2024 года адбылася дыялогавая сустрэча працоўнага калектыву ўніверсітэта.

Новаўвядзенні электаральнай кампаніі 2024 года абмяркоўваюцца і растлумачваюцца штодня на ўсіх анлайн і афлайн пляцоўках краіны. Бо менавіта ад выбару кожнага грамадзяніна залежыць якасць далейшага развіцця грамадства і дзяржавы, захаванне міру і бяспекі.

Беларускі дзяржаўны ўніверсітэт транспарту як прадстаўнік у вялікай ступені інтарэсаў моладзевага сегмента выбаршчыкаў з самага пачатку падрыхтоўкі да выбараў 2024 года праводзіць дыскусійныя пляцоўкі, інфармацыйныя сустрэчы, куратарскія гадзіны для таго, каб моладзь пісьменна і з поўным разуменнем падышла да рэалізацыі свайго выбарчага права. Прадстаўнікі прафесарска-выкладчыцкага складу, супрацоўнікі аддзелаў і навуковых арганізацый БелДУТ прыйшлі на сустрэчу з мэтай і для сябе ўразумець усе неабходныя моманты цяперашніх выбараў, і данесці правільна інфармацыю да сваіх падапечных.

Самадум Юрый Генадзевіч, першы прарэктар, дэпутат Гомельскага гарадскога Савета дэпутатаў 28-га склікання, выступіў перад аўдыторыяй з прывітальным словам і падвядзеннем вынікаў работы ўстановы адукацыі «Беларускі дзяржаўны ўніверсітэт транспарту» за 2023 год.

Юрый Генадзьевіч прывёў паказчыкі як выкананыя, а таксама якія перайшлі ў разрад дасягненняў, так і якія пайшлі, на жаль, «у мінус» па шэрагу прычын. Паказаў аналіз выканання паказчыкаў у межах адукацыйнай дзейнасці, выканання навуковых даследаванняў, інавацыйнай дзейнасці, публікацыйную актыўнасці, развіцця матэрыяльна-тэхнічнай базы ўніверсітэта. Надаў у аповедзе вялікую ўвагу адміністрацыйна-гаспадарчай дзейнасці, у прыватнасці рамонтных прац у студэнцкім гарадку, а таксама пытаннях фінансавання.

Першы прарэктар падзякаваў кожнаму з супрацоўнікаў за ўнесены ўклад у агульны вынік. І як дзеючы дэпутат гарадскога Савета дэпутатаў запрасіў звяртацца з прапановамі на 2024 год і пытаннямі любой значнасці. Дарэчы, рэгулярныя сустрэчы кіраўнікоў універсітэта – дэпутатаў тэрытарыяльных Саветаў са студэнтамі паказалі на практыцы станоўчы вынік у розных сферах жыцця студэнцкай моладзі.

З тлумачэннем асаблівасцяў Адзінага дня галасавання 2024 выступіў начальнік аддзела магістратуры і студэнцкай навукі Казароз Ігар Мікалаевіч.

Адной з асноўных мэт і істотных пераваг новаўвядзенняў цяперашняй электаральнай кампаніі з'яўляецца магчымасць выбаршчыкам розных тэрытарыяльных узроўняў сістэмы Саветаў дэпутатаў выказаць сваю волю ў адзін і той жа дзень. Такі фармат галасавання спрыяе павелічэнню ўдзелу выбаршчыкаў і гарантуе роўныя ўмовы для ўсіх кандыдатаў.

Ігар Мікалаевіч падрабязна расказаў аб структуры, кампетэнцыях, правах і абавязках органаў улады і іх прадстаўнікоў, ключавых датах выбарчай кампаніі. У дадзены момант завяршыўся этап утварэння ўчасткаў для галасавання па выбарах дэпутатаў у адзіны дзень галасавання, участковыя выбарчыя камісіі будуць сфарміраваны не пазней за 25 студзеня 2024 г.

Некаторыя іншыя важныя моманты, якія трэба ведаць выбаршчыку-2024:

• Выбіраць дэпутатаў выбаршчыкі будуць на трох тэрытарыяльных узроўнях: абласным, базавым і першасным.
• Ёсць магчымасць прагаласаваць на іншым выбарчым участку.
• Час працы выбарчых участкаў у перыяд датэрміновага галасавання – з 12.00 да 19.00 без перапынку ў працы ўчастковай камісіі.
• З мэтай забеспячэння захавання прынцыпу тайнага галасавання ўстаноўлена забарона на вынас бюлетэня за межы памяшкання для галасавання, а таксама ажыццяўленне фота-відэаздымкі запоўненага бюлетэня. Проста фатаграфавацца на выбарчым участку – можна!
• Не будуць утварацца ўчасткі для галасавання за мяжой.
• На выбарах не будзе парога яўкі для прызнання выбараў адбыўшыміся.
• Электаральная кампанія, распачатая ў 2024 годзе, скончыцца ў 2025-м выбарамі Прэзідэнта Рэспублікі Беларусь.

Распавядаючы аб працы выбарчых камісій у перыяд выбарчай кампаніі, Ігар Мікалаевіч згадаў, што такой важнай для досыць шматлікага сегмента выбаршчыкаў функцыі, як выязное галасаванне, нададзена вялікая ўвага. Колькасць выязных скрыняў павялічана, а валанцёры з ліку супрацоўнікаў універсітэта заўсёды вітаюцца.

Прарэктар БелДУТ, дэпутат Гомельскага абласнога Савета дэпутатаў 28-га склікання Ермакоў Уладзімір Васільевіч звярнуўся да калектыву ўніверсітэта з рэкамендацыямі, на што звяртаць увагу пры выбары кандыдата ў дэпутаты, прывёў, на яго погляд, самыя важныя якасці прадстаўніка заканадаўчай улады. У іх ліку ініцыятыўнасць і пісьменнае разуменне праблем на даручаным яму ўчастку.

Уладзімір Васільевіч падкрэсліў, што адмена явачнага парога, як і тое, што ў нашай краіне права яўкі на выбары выбаршчыкаў нічым не абмежавана на заканадаўчым узроўні, яшчэ больш павышае адказнасць грамадзян за вынік выбарчага працэсу.

Акрамя таго, прарэктар нагадаў пра змены ў Правілах унутранага распарадку ўніверсітэта, а таксама запрасіў падпісвацца на тэлеграм-канал БелДУТ - каб першым быць у курсе навін, змяненняў, прапаноў і самых важных падзей універсітэта!

Прарэктар па выхаваўчай рабоце Сцяпан Міхайлавіч Васільеў, падводзячы вынік сустрэчы, выказаў перакананасць у далейшай плённай працы калектыву, правільным выбары кожнага выбаршчыка і падзякаваў спікерам і аўдыторыі за дыялог.

Фото Елены Белоус