СВЯТА ПАТРЫЁТАЎ КРАІНЫ
- Апублікавана 22.02.2023 11:02
Паважаныя ветэраны, афіцэры, курсанты, выкладчыкі, супрацоўнікі і студэнты!
Сардэчна віншую вас З Днём абаронцаў Айчыны і Ўзброеных Сіл Рэспублікі Беларусь!
Гэта свята людзей мужных, моцных, сапраўдных патрыётаў сваёй краіны. Яно з’яўляецца данінай глыбокай павагі ўсім, хто служыў на карысць Айчыны, нясе баявую вахту ў цяперашні час, і тым, хто толькі рыхтуецца ўступіць у шэрагі Ўзброеных Сіл.
Мужнасць і самаадданасць нашых воінаў дапамаглі Айчыне выстаяць у гады самых цяжкіх і суровых выпрабаванняў. І заканамерна мы выказваем самую глыбокую ўдзячнасць воінам усіх пакаленняў за іхнюю ратную працу, надзейную абарону сваёй краіны, магчымасць спакойна жыць і працаваць.
Верныя традыцыям старэйшых пакаленняў наследнікі пераможцаў сёння надзейна ахоўваюць межы сваёй Радзімы, гарантуючы нашаму народу права на будучыню, мірнае жыццё.
Наша агульная задача - захаваць слаўныя Ратныя традыцыі, прымножыць сілу і магутнасць Радзімы, стварыць умовы для яе далейшага развіцця і ўмацавання аўтарытэту.
Шчыра жадаю ўсім моцнага здароўя, шчасця, дабрабыту, бадзёрасці духу, новых перамог і дасягненняў на карысць Айчыны.
Рэктар універсітэта
доктар фізіка-матэматычных навук
Ю. І. КУЛАЖАНКА
Нашли ошибку? Выделите ее и нажмите Ctrl-Enter