Факультэт «Кіраванне працэсамі перавозак» (эксплуатацыйны да 1981 году) утвораны ў 1954 годзе. За гэты час факультэт стаў буйным навукова-педагагічным калектывам, у якім працуе 50 выкладчыкаў і навуковых супрацоўнікаў і навучаецца каля 500 студэнтаў. Падрыхтавана каля 6000 спецыялістаў па дзённай форме навучання. На факультэце ажыццяўляецца падрыхтоўка інжынераў, магістраў, навуковых і педагагічных кадраў вышэйшай кваліфікацыі для чыгуначнага, аўтамабільнага і рачнога транспарту.

Студэнты факультэта могуць прайсці курс падрыхтоўкі малодшых камандзіраў і афіцэраў запасу на ваеннай кафедры ваенна-транспартнага факультэта з прысваеннем воінскага афіцэрскага звання..

На кафедрах факультэта маюцца навучальныя лабараторыі, аснашчоныя неабходнымі прыборамі, ўстаноўкамі, кампутарамі і аргтэхнікай, сучаснымі кампутарнымі праграмамі, што дазваляе выконваць навучальныя і даследчыя работы.

Для метадычнага забеспячэння навучальнага працэсу супрацоўнікамі кафедраў выдадзены манаграфіі, падручнікі і навучальныя дапаможнікі з грыфам Міністэрства адукацыі і вучэбна-метадычныя дапаможнікі з грыфам вучэбна-метадычнага аб'яднання.

У пачатку 50-х гадоў мінулага стагоддзя паўстала вострая неабходнасць у падрыхтоўцы высокакваліфікаваных спецыялістаў па кіраўніцтву эксплуатацыйнай працай на чыгуначным транспарце для Беларускай, прыбалтыйскіх і іншых чыгунак заходняга рэгіёну СССР. У сувязі з гэтым па загадзе №252 / 4 ад 23 кастрычніка 1954 г. Галоўнага ўпраўлення навучальнымі ўстановамі МПС СССР быў створаны эксплуатацыйны факультэт. З гэтага моманту пачалося жыццё факультэта.

Яго працу узначальвалі:

Першым дэканам факультэта быў прызначаны к.т.н., дацэнт (пасля д.т.н., прафесар) Купчынаў І.І. - буйны вучоны ў галіне інжынернай геадэзіі. Пад яго кіраўніцтвам праходзіла фарміраванне вучэбна-метадычнай і лабараторнай базы. Чалавек творчага склада, не спыняючыся на дасягнутым, к.т.н., дацэнт Купчынаў І.І. шмат увагі надаваў павышэнню педагагічнага майстэрства і навуковага ўзроўню прафесарска-выкладчыцкага складу кафедраў, а таксама вывучэнню і ўжыванню ў навучальным працэсе перадавых метадаў навукова-тэхнічнага прагрэсу, што спрыяла якаснай падрыхтоўцы інжынераў-эксплуатацыёнікаў.

У сувязі з неабходнасцю завяршэння працы над доктарскай дысертацыяй к.т.н., дацэнта Купчынава І.І. кіраўніцтва факультэтам было перададзена к.т.н., дацэнту Міхайлаву Г.І. (жнівень 1955 г. - лістапад 1957 г.). Ён працягнуў шматпланавую працу па развіцці факультэта як у сферы вучэбна-метадычнага, так і матэрыяльнага аснашчэння.

З 1958 па 1961 г. кіраўніцтва факультэтам было ўскладзена на к.т.н., дацэнта (пасля д.т.н., прафесара) Праўдзіна М.У. - вядомага вучонага ў галіне тэорыі прагназавання транспартных патокаў, ўзаемадзеяння розных відаў транспарту, праектавання чыгуначных станцый і прывакзальных плошчаў. Узначалены ім калектыў факультэта выканаў вялікую працу па павышэнні якасці навучальнага працэсу і забеспячэнні не толькі глыбокіх тэарэтычных, але і практычных ведаў студэнтаў. У гэты перыяд дэканат сумесна з калектывам кафедры "Эксплуатацыя чыгунак" вырабілі аснашчэнне аўдыторыі для лабараторных заняткаў па дысцыпліне "Арганізацыя руху цягнікоў" мадэлямі аўтаматычнага і паўаўтаматычнага блакаванняў.

У 1958 г. адбыўся першы выпуск інжынераў-эксплуатацыёнікаў. Краіна атрымала 92 высокакваліфікаваных інжынера па эксплуатацыі чыгунак. Выпускнікамі гэтага года з'яўляюцца Прадыбайлаў В.М. - былы начальнік Паўночнай чыгункі, дэпутат Дзяржаўнай думы Расійскай Федэрацыі, Валько А.С. - былы начальнік сярэднеазіяцкай чыгункі, Грунтоў П.С. - д.т.н., прафесар, акадэмік Акадэміі транспарту РФ і Украіны, лаўрэат прэміі СМ СССР і інш.

З верасня 1961 па чэрвень 1962 г. дэканам факультэта быў к.т.н., дацэнт (пасля д.т.н., прафесар) Цыркуноў Р.А. Пры яго непасрэдным і актыўным удзеле праходзіла далейшае развіццё навукова-даследчай працы як выкладчыкаў, так і студэнтаў.

З чэрвеня 1962 па сакавік 1980 г. факультэт узначальваў к.т.н., дацэнт Мухо П.Б. Узначалены ім калектыў дамогся значных вынікаў ва ўдасканаленні сістэмы падрыхтоўкі інжынерных кадраў, актыўна ўключаючы ў навучальны працэс сучасныя тэхналогіі навучання, якія грунтуюцца на шырокім выкарыстанні ЭВМ. Гэтаму спрыяла адкрыццё на факультэце кафедры "Вылічальная тэхніка". Акрамя гэтага дэкан вялікую ўвагу надаваў выхаваўчай працы са студэнтамі, важнейшым складальнікам якой з'яўлялася актыўнае ўцягванне моладзі ў гурткі мастацкай самадзейнасці і спартыўныя секцыі інстытута. Такая пастаянная і сістэмная праца дазволіла разнастаіць формы і метады выхаваўчай дзейнасці ў рамках вну і больш поўна задавальняць маральныя і эстэтычныя патрэбы студэнтаў. Дзякуючы гэтаму яны неаднойчы станавіліся пераможцамі інстытуцкіх спаборніцтваў па розных відах спорту як у асабістым, так і ў камандным заліках, а таксама дыпламантамі конкурсаў мастацкай самадзейнасці.

З сакавіка 1980 па ліпень 1987 г. кіраўніцтва факультэтам было ўскладзена на к.т.н., дацэнта (пасля к.т.н., прафесара, рэктара БелДУТа) Ярашэвіча В.П. Ім сумесна з калектывамі кафедраў выканана вялікая праца па ўдасканаленні арганізацыі вучэбна-выхаваўчага працэсу. Дэканат, кафедры дамагліся, каб курсавое і дыпломнае праектаванне былі накіраваны на вырашэнне новых тэарэтычных і практычных задач, якія стаяць перад чыгункай. Гэта дало магчымасць больш поўна ўлічваць запыты, што прад'яўляюцца вытворчасцю. Са змяненнем структуры і задач, што вырашаюцца інжынерамі-эксплуатацыёнікамi, у 1982 годзе факультэт быў перайменаваны і стаў называцца "Упраўленне працэсамі перавозак”.

Далей факультэт паслядоўна узначальвалі к.т.н., дацэнты Сiмашук Е.І. (ліпень 1987 г. - верасень 1989 г.), Гараеў А.П. (кастрычнік 1989 г. - люты 1992 г.), Кузняцоў В.Г. (студзень 1992 г. - студзень 1993 г.). Яны працягнулі працу сваіх папярэднікаў па далейшаму развіццю факультэта як аднаго з вядучых структурных падраздзяленняў універсітэта.

З 1993 г. і па цяперашні час дэканам факультэта з'яўляецца к.т.н., дацэнт Берлін М.П.

Даручаны яму калектыў прафесарска-выкладчыцкага складу факультэта пастаянна працуе над удасканаленнем навучальнага працэсу, павышэннем якасці падрыхтоўкі інжынерных і навуковых кадраў, распрацоўкай стандартаў і вучэбных планаў. У навучальным працэсе выкарыстоўваюцца перадавыя формы навучання і выхавання студэнтаў. Да іх адносяцца: арганізацыя рытмічнай працы студэнтаў, выкарыстанне навейшых распрацовак і дасягненняў у транспартнай галіне, персанальных ЭВМ, правядзенне алімпіяд, распрацоўка рэальных дыпломных праектаў, шырокае прыцягненне таленавітых студэнтаў да ўдзелу ў навукова-даследчай працы. Для правядзення заняткаў пастаянна прыцягваюцца кіраўнікі структурных падраздзяленняў Беларускай чыгункі.

Неад'емнай часткай транспартна-будаўнічага комплексу краіны з'яўляюцца яго прамысловыя і грамадзянскія збудаванні, якія забяспечваюць гарманічнае развіццё жылых, грамадскiх і прамысловых тэрыторый гарадоў, а таксама розных відаў транспарту. Для выканання практычных задач гэтага комплексу неабходныя высокакваліфікаваныя інжынерныя кадры, падрыхтоўка якіх з 1954 г. стала ажыццяўляцца ў Беларускім інстытуце інжынераў чыгуначнага транспарту па спецыяльнасці «Прамысловае і грамадзянскае будаўніцтва», якая ўваходзіла першапачаткова ў склад будаўнічага факультэта. На яе базе ў 1957 г. быў створаны факультэт «Прамысловае і грамадзянскае будаўніцтва» (ПГС), у які ўвайшлі кафедры: «Будынкі і будаўнічыя матэрыялы», «Будаўнічыя работы, машыны, тэхналогія будаўнічай вытворчасці», «Супраціўленне матэрыялаў і будаўнічая механіка» , «Начартальная геаметрыя і графіка», «Замежныя мовы».

У першыя гады станаўлення і развіцця факультэта яго ўзначальвалі выхаванцы высоканавуковых школ МIIТа і ЛIIЧТа.

У іх ліку першы дэкан факультэта к.т.н., дацэнт, пасля дт.н., прафесар ЛIIЧТа Койда Н. У. (кастрычнік 1957 -март 1958 г.) Ён унёс вялікі ўклад у фарміраванне факультэта як структурнага падраздзялення, якое забяспечвае рознабаковую падрыхтоўку інжынераў з улікам спецыфікі ВНУ.

Далей факультэт узначальваў старшы выкладчык Качарга Н. Е. (сакавік 1958 - снежань 1959 г.). Пад яго кiпаўнiцтвам была працягнута праца па развіцці вучэбна-метадычнай базы факультэта і распрацоўцы лекцыённых курсаў спецыяльных дысцыплін.

Са снежня 1959 г. па люты 1962 г. факультэт узначальваў к.т.н., дацэнт, удзельнік ВАВ Ташкiнаў Г. А. У гэты перыяд на факультэце была закладзена аснова навукова-даследчай работы кафедраў, што ў далейшым дазволіла адкрыць пры іх навукова-даследчыя лабараторыі. Акрамя гэтага значны ўклад дэкана факультэта ў развіццё творчых здольнасцяў не толькі студэнцкай моладзі, але і выкладчыкаў. Многія з іх удзельнічалі ў мастацкай самадзейнасці інстытута: духавым аркестры, хоры і т.п. Усё гэта спрыяла фармаванню дружнага і згуртаванага калектыву факультэта, слаўнымі традыцыямі якога ганарыцца сёння не адно пакаленне студэнтаў.

У чэрвені 1959 г. на факультэце адбыўся першы выпуск. Дыпломы інжынераў-будаўнікоў атрымалі 46 чалавек. У лютым 1962 г. дэканам факультэта быў прызначаны к. т. н., дацэнт, удзельнік ВАВ Даўгачоў Н. Ф., якi ўзначальваў яго па верасень 1964 г. Ён распрацаваў навучальныя методыкі, якія ня страцілі сваёй актуальнасці і ў цяперашні час. Яго канструктарскія распрацоўкі служылі прыкладам творчага падыходу да вырашэння канкрэтных практычных задач.

З прызначэннем ў кастрычніку 1964 г, на пасаду дэкана д. т. н., прафесара Вацякова І. Ф. у жыцці факультэта пачынаецца новы этап навукова-педагагічнай дзейнасці і фундаментальнай падрыхтоўкі інжынераў-будаўнікоў. Дасведчаны работнік вытворчасці і навуковец, ён запомніўся і студэнтам, і калегам-выкладчыкам як незвычайна прыстойны, інтэлігентны і добрасумленны чалавек. Пад кіраўніцтвам Вацякова І. Ф. інтэнсіўнае развіццё атрымала навукова-даследчая работа. За шматгадовую добрасумленную і плённую працу ў родным ВНУ Навуковым Саветам універсітэта ён быў абраны ганаровым прафесарам БелДУТа.

З ліпеня 1975 г. па красавік 1986 г., факультэт узначальваў к. т. н., прафесар Залатухін Ю. Д. Пад яго кiраўнiцтвам быў распрацаваны і ўкаранёны ступеністы графік выканання і здачы курсавых праектаў і работ, што спрыяла якаснай падрыхтоўцы будучых інжынераў . Важнай састаўляючай яго дзейнасці з'явілася далейшае развіццё добрых традыцый факультэта ў галіне мастацкай самадзейнасці і спорту. У гэты перыяд каманды факультэта неаднаразова станавіліся пераможцамі розных конкурсаў і спартыўных спаборніцтваў. У 1979 годзе на факультэце было арганізавана студэнцкае будаўнічае праектна-канструктарскае бюро (СБПКБ).

За час існавання СБПКБ студэнтамі па выніках даследаванняў атрымана 14 дыпломаў рэспубліканскіх і ўсесаюзных конкурсаў.

З траўня 1986 па сакавік 1992 г. дэканам факультэта быў к. т. н., дацэнт Чапурной І. Н. У гэты час калектыў факультэта дамогся вялікіх поспехаў у развіцці вучэбна-метадычнай і лабараторнай базы кафедраў, выйшлі з друку падручнікі і навучальныя дапаможнікі з грыфам Міністэрства адукацыі. Шмат увагі было нададзена пашырэнню і ўмацаванню сувязяў кафедраў факультэта з вытворчасцю. У мэтах павышэння ўзроўню вучэбна-метадычнай работы ў 1989 г. створаны філіял кафедры ПГБ у інстытуце «Гомельграмадзянпраект». Гэта дазволіла прыцягваць да працы ў якасці выкладчыкаў высокакваліфікаваных спецыялістаў з вытворчасці. Каманда студэнтаў факультэта двойчы займала 1 месца на алімпіядзе "Студэнт і навукова-тэхнічны прагрэс" сярод інжынерна-будаўнічых ВНУ рэспублікі. Рэальны дыпломны праект "Маладзёжны жыллёвы комплекс", выкананы студэнтамі факультэта ў 1990 г., заняў I месца на ўсесаюзным конкурсе дыпломных праектаў па спецыяльнасці ПГБ.

З 1991 г. на факультэце адкрыта новая спецыяльнасць "Вытворчасць будаўнічых вырабаў і канструкцый".

З верасня 1994 г. па красавік 1997 г. факультэт узначальваў д. т. н., прафесар Кудраўцаў І. А .. У гэты перыяд студэнтам, якія праявілі схільнасць да навукова-даследчай дзейнасці, давалiся магчымасці праходжання стажыроўкі за мяжой, акрамя гэтага былі арганізаваны і праведзены навучальныя семінары з удзелам замежных спецыялістаў з Германіі і Канады.

З красавіка 1992 г. па верасень 1994 г., і з красавіка 1997 г. па сённяшні дзень дэканам факультэта з'яўляецца к. т. н., дацэнт Ташкiнаў А. Г. (з верасня 1994 г. па сакавік 1997 г. - дэкан агульнаiнжэнернага будаўнічага факультэта БелДУТа). У гэты перыяд працягваецца далейшая плённая і шматгранная праца калектыву факультэта па падрыхтоўцы будучых інжынераў-будаўнікоў з улікам патрабаванняў да спецыялістаў не толькі сённяшняга, але і заўтрашняга дня. З 1995 г. на факультэце распачата падрыхтоўка кадраў па спецыялізацыі «Рэканструкцыя будынкаў і збудаванняў». У 1999 г. адкрыта новая спецыяльнасць - «Архітэктура» і спецыялізацыя «Тэхнічная эксплуатацыя будынкаў і збудаванняў».

З 2008 года на факультэце па ініцыятыве абласнога ўпраўлення ЖКГ адкрыта спецыяльнасць "Экспэртыза і кіраванне нерухомасцю», што дазволіла рыхтаваць для арганізацый жыллёва-камунальнай гаспадаркі Гомельшчыны спецыялістаў не толькі з фундаментальнай тэхнічнай падрыхтоўкай, але і з паглыбленымі ведамі ў галіне эканомікі і юрыспрудэнцыі.

За час існавання факультэта падрыхтавана не адно пакаленне высокакваліфікаваных інжынераў і архітэктараў. Выпускнікі, а іх у нас звыш сямі тысяч чалавек, - гонар і слава факультэта. Многія з іх сталі таленавітымі кіраўнікамі, навукоўцамі, грамадскімі дзеячамі, вядомымі не толькі ў Рэспубліцы Беларусь, але і далёка за яе межамі. Гэта Басін Е. В. - Герой Сацыялістычнай працы, раней - начальнік «Главбамстроя», пасля - міністр будаўніцтва Расіі, віцэ-прэзідэнт адной з найбуйнейшых карпарацый «Трансстрой» Якабсон А. С. на працягу доўгага часу ўзначальваў Гомельскі аблвыканкам, а затым - Камітэт Дзяржаўнага Кантролю Беларусі, Сівак А. А. - Міністр транспарту і камунікацый Рэспублікі Беларусь.

Сярод нашых выпускнікоў - Грыцэнка Н. Я. - старшыня Гомельскага абкама прафсаюза работнікаў будаўніцтва і прамысловасці будаўнічых матэрыялаў, кіраўнікі і вядучыя спецыялісты буйных будаўнічых і праектных арганізацый: Фрыдкін Е. А., Цішкевіч А. І., Старастаў А. П., Міхневіч В. А., Ісачанка В. І., Башылаў В. А., Какора В. М., Лямешка П. Е., Яшкоў В. В., Івашкевіч Р. Н., Урублеўскі В. В., Карульскi В. Г..

Выпускнікі, якія звязалі свой лёс з навукай: доктар архітэктуры, прафесар Малкаў І. Г., доктар фізіка-матэматычных навук Леаненка Д. В., доктар фізіка-матэматычных навук Яравая А. В., дацэнты, кандыдаты тэхнічных навук Захаранка З. Н., Прасол В. М., Талецкi В. В., Ташкiнаў А. Г., Яшына Т. В. - цяпер выкладаюць на родным факультэце.

Варта адзначыць, што выпускнікі факультэта і пасля заканчэння навучання падтрымліваюць цесную сувязь з роднай альма-матар. Штогод праводзяцца традыцыйныя сустрэчы выпускнікоў розных гадоў, многія з іх супрацоўнічаюць з выкладчыкамі кафедраў па пытаннях вучэбнай і навукова-даследчай працы.