- Опубликовано: 16.10.2017 13:55
Устойлівае развіццё нацыянальнай эканомікі, яе эфектыўнасць і канкурэнтаздольнасць на ўнутраным і сусветным рынках звязаны з эканамічнай бяспекай краіны. У сучасных умовах глабалізацыі сусветнай эканомікі ўзрастае неабходнасць ажыццяўлення эфектыўнага рэгулявання знешняга і ўзаемнага гандлю на тэрыторыі Еўразійскага эканамічнага саюзу, арганізацыі мытнага, падатковага, транспартнага і іншых відаў дзяржаўнага кантролю, садзеяння развіццю знешнеэканамічнай дзейнасці арганізацый, што патрабуе кваліфікаванага падыходу.
Кафедра «Мытная справа» з'яўляецца выпускаючай па спецыяльнасці 6-05-1036-01 «Мытная справа» з прысваеннем кваліфікацыі «Спецыяліст па мытнай справе».
<
Выпускнікі кафедры валодаюць неабходным для будучай прафесійнай дзейнасці веданнем заканадаўства ў галіне мытнага рэгулявання, адміністрацыйнага і крымінальнага, фінансавага і міжнароднага права па пытаннях арганізацыі знешнеэканамічнай дзейнасці; валодаюць навыкамі падрыхтоўкі аналітычных матэрыялаў па развіццю экспартна-імпартнай дзейнасці, асаблівасцям падаткаабкладання, валютнага рэгулявання і кантролю, выяўлення, папярэджання і спынення правапарушэнняў у мытнай галіне ў адпаведнасці з заканадаўствам Рэспублікі Беларусь, вядзення дзелавых перамоваў і перапіскі, у тым ліку на замежнай мове; маюць досвед навукова-даследчай працы.
Выпускнікі кафедры – гэта кваліфікаваныя спецыялісты, здольныя выконваць:
- патрабаванні па забеспячэнні эканамічнай бяспекі як падставы для эфектыўнай і стабільнай жыццядзейнасці грамадства;
- умовы арганізацыі знешнеэканамічнай дзейнасці, у тым ліку для гаспадарчых суб’ектаў, што ажыццяўляюць дзейнасць у галіне мытнай справы;
- комплексны аналіз правядзення знешнегандлёвых аперацый з улікам ведання міжнародных і беларускіх прававых нормаў па арганізацыі экспартна-імпартнай дзейнасці, мытнага заканадаўства ЕАЭС;
- задачы па аналізу і развіццю знешнеэканамічных сувязяў арганізацыі, павышэнню яе канкурэнтаздольнасці на нацыянальным і замежных рынках.
Падрыхтоўка спецыялістаў мытнай справы накіравана на развіццё ў іх патрэбы ў добрым выкананні прафесійных функцый спецыяліста, які ўсведамляе мэты і гатовы несці адказнасць за вынікі прафесійнай дзейнасці, здольны самастойна і кампетэнтна прымаць рашэнні, ахвочы да самаразвіцця і самарэалізацыі ў будучай прафесіі і валодае аналітычнымі навыкамі.
